立法會功能界別中，行業萎縮嘅漁農界一向係剔除呼聲最高嘅界別，但去年立會換屆，何俊賢（高佬賢）接替黨友黃容根（根叔）做漁農界代表，有官員就話呢個界別好似煥然一新咁。好似早前高佬賢率領漁農界訪京，過去漁農界上京多數係見京官副手，但今次就由國務院港澳辦主任王光亞接見，高佬賢仲坐正喺王光亞旁邊，想睇唔到佢都幾難。會議後，高佬賢仲做埋傳話人，講述會內講過嘅言論，證明佢幾受重視。

據聞政府都評估過部分功能界別換人後表現，例如體育、演藝、文化及出版界就由上屆嘅霍震霆換咗馬逢國，金融界同金融服務界亦分別由吳亮星同張華峰頂替上屆嘅李國寶同詹培忠等，發現幾位新議員上任後都尚算勤力。

第一手消息請下載on.cc東方互動iPhone/iPad/Android/Windows Phone Apps