政壇：方國珊座駕違泊惹投訴
有人投訴方國珊乘坐嘅私家車停泊咗喺立法會外面行人路上，但據講係聽從警方指示停泊嘅。
立法會環境事務委員會尋日舉行特別會議，邀請咗百多個組織及地區人士出席討論新界東北、東南及新界北嘅堆填計劃，西貢區議員方國珊（哪吒）同埋一大班居民，拉晒巨型橫額抗議。但有人向我哋投訴，活動舉行時，有五輛車停泊喺行人路，據講其中一部仲係哪吒嘅座駕添。
有人投訴方國珊乘坐嘅私家車停泊咗喺立法會外面行人路上，但據講係聽從警方指示停泊嘅。
我哋問過嗰架車嘅司機，佢話知道泊喺度會抄牌，但由於哪吒要開會，所以佢喺外面等。佢仲話本來架車係泊喺可泊車嘅地方，方便睇住啲巨型橫額，但就有警察叫佢駛上行人路，讓個位畀傳媒機構停車喎，所以佢咪將架車駛到行人路等候囉。就現場所見，在場嘅警察又真係冇理會佢哋泊架車喺行人路上。哪吒啲巨型橫額鋪晒喺地下，連架車都駛埋上行人路，真係立會議員都無佢咁巴閉！
