SUN搞作：sun官場現形記：捐款恩仇錄
中國紅十字會又涉嫌侵吞川震捐款，將捐款拎去請領導，仲傳畀成百萬年薪，呢個所謂「公益研究院」院長係咪咁值錢呀，唔怪得港人要疑捐啦。不過呢，據李衞穿梭中港官場嘅經驗所得，其實佢哋係「曲線救國」，係中國人民嘅無間道……
李衞：老實講，做公益仲要研究咁多？
領盜：我哋要搭建公益平台，不能豆腐渣。
李衞：咁你又袋咁多落自己袋先？
領盜：公益研究，本身就係要先益阿公。
李衞：咁你個平台要做咩呢？
領盜：咁要再建一個平台研究……
李衞：豈有此理，咁紅會不如改埋名做花紅會！
領盜：好名好名！花紅會同紅花會，都係一樣啫！
李衞：喂，你就作奸犯科啫，但係紅花會係英雄豪傑，點一樣呀？
領盜：大家都係要不斷掘呢個王朝嘅根基，等佢爛透透！
李衞：＆＃＊︿＄＄％︿＆！
