誰明老師心：融合教育是好是壞？（下）
上星期提到融合教育在本地學校的苦況，馬上有很多朋友向我訴苦。
朋友A：「SEN學生其實好可愛，不過有時我真係唔識應對，一入課室就好緊張！有次我無端端俾個仔推開，都唔知咩事！」
「我學校得一個TA（教學助理）讀過SEN危機應變。試過有個仔發狂衝出學校，好在TA係大隻男先得住佢咋。」朋友B道。
「最慘係唔知講唔講俾同班家長知有SEN，唔講，個SEN仔就會俾其他同學歧視，話佢行為古怪；講咗就驚洩露私癮，我有朋友就係咁俾個家長告咗幾年。」朋友C嘆氣。
立法會月前舉行討論特殊教育政策的公聽會，一名SEN學生家長遭校方、教育官員等教育工作者冷眼對待，在會上聲淚俱下，控訴學校、政府的無情。我並非為她兒子的學校解釋甚麼，無論是學校真的如此無良，抑或校方已盡量提供協助，事實是，SEN得不到適當的支援。政府並無任何長遠策略去照顧SEN。融合教育的原意再好，沒有適當的措施，只會令政策變成垃圾。
自詡為教育工作者的教育官員，PLEASE DO NOT LET THE MINORITY SUFFERS.
