Sun官場現形記：貪曾唔「化」

前日有個研討會，大談香港發展，點知講講吓，都係變貪曾聲討會。唉，雖然李衞都知貪曾唔抵幫，但係都想知香港可以仲點發展o架！好彩，李衞喺會後密斟時，就八到行會成員小強同學者小鴻，如何由貪曾呢個災難本身，悟出香港日後發展嘅路向……

小強：紐倫港夢碎，絕對關貪曾事！《爛果》記者聽清楚喇，今次真係無個「唔」字o架！

小鴻：家陣香港邊緣化、政治化、殖民化，完全係因為貪曾唔化！

小強：咪就係，依家先搵地起醫院酒店老人院，以前做咗啲咩？真係當自己係無形之手？

小鴻：咁我又唔同意喇，貪曾做落好多豐功偉績o架喎！

小強：唔係呀話？

小鴻：如果唔係佢，大家點會掛住殖民地？佢對大英帝國貢獻良多！

小強：如果真係咁勁，點解大家依家好似唔係好記得佢喎？

小鴻：梗係啦，偉人通常喺幕後策劃！佢有條新橋振興香港旅遊業！

小強：有啲咁嘅事？我喺行會都未聽過喎！

小鴻：就係吸引啲後生仔去老蘭，獵豹妹喇！

小強：又係貪曾！