香港電影金像獎頒獎禮：最大年紀奪新演員徐家傑寸貪曾好戲
65歲的徐家傑憑《寒戰》飾演廉政公署高層，力退張藍心及沈震軒等青春強敵，爆冷贏得「最佳新演員」，成為歷屆金像獎年紀最大的「新演員」得獎者。早年被廉署解僱的徐家傑在戲中演回自己，他上台領獎時，狂寸曾向市民谷眼淚扮可憐的涉貪前特首曾蔭權好戲：「我做咗28年公職，已經訓練到幾好戲，不過以前英國人唔係好受，可能因為我個樣係中國人，而且論演技，亦自問唔及前特首。」他又以電影搞Gag說：「我發現最難應付唔係葉問詠春，而係老婆嘅攤手（攤大手板）。」他透露已有經理人及電影公司找他斟洽，有望繼續接拍新片。
至於「最佳新晉導演」則由《大追捕》的周顯揚奪得，他在致辭時特別感謝編劇女友杜緻朗及她的父母：「多謝世伯伯母咁多年對我嘅包容同體諒，仲有祖父祖母，好開心聽日可以畀病緊嘅祖母摸吓個獎！我會做個負責任嘅電影人。」
奪「新晉導演」獎項的周顯揚，特別點名多謝紅顏知己杜緻朗。
65歲的徐家傑力挫大熱張藍心和沈震軒，獲頒「最佳新演員」。