政壇：鄧耀邦租父舖冇價講

香港舖租貴得世界馳名，東華前總理鄧耀邦（Jason）年內將會開設自然療法診所，仲租埋爸爸「舖王」鄧成波位於灣仔嘅三千多呎地舖，每月租金要十幾萬元。阿仔搞生意，舖租有冇折o架﹖原來租金冇情講，跟足市價。不過，波叔就指點阿仔，做生意要（目及）實盤數，尤其診所有唔少現金過手，管理制度要嚴謹，免被人「穿櫃桶底」都唔知。

點解租金係市場價冇「父子價」﹖Jason話，爸爸係好實際嘅生意人，認為若然連租金都交唔起，證明盤生意做得失敗，要執咗佢，所以Jason事事認真，依家已集資二千萬元，除灣仔外，稍後會開其他連鎖分店。