SUN搞作：Sun官場現形記：研討會口水戰

「嗔普損聯盟」早兩日搞咗個研討會，點知「傾傾吓」就同「哀港之星」嘅成員發生衝突，愛與和平就無喇，你一言我一語，指罵聲就響徹雲霄，就算請埋保安嚟都搞唔掂，研討會最終被迫腰斬，雙方不歡而散，而雙方互相攻訐情況，李衞梗係全程直擊……

作者：李衞

長毛︰你哋咪再喺度搞事，阻住個研討會！

哀港頭目︰我哋無掟嘢，仲唔夠「和平」？

長毛︰無端端打斷人講嘢，仲唔係阻人發言？

哀港頭目︰我哋明明就咁安靜坐喺度，你覺得唔安靜咩？

長毛︰你大大聲咁叫，極唔尊重與會者！

哀港頭目︰我講嘢不嬲都咁大聲，但講嘢大聲唔代表我無禮貌！

長毛︰你咁禮義廉，呢度唔歡迎你。

哀港頭目︰你咪又係日掟夜掟，做咩話我？我有壓力，你有壓力，你做乜挑釁我呀？

長毛︰我就有爭取普選壓力，咁你有咩壓力呢？

哀港頭目︰人人都有嘅─要開飯嘅壓力！

長毛︰咁都得？

哀港頭目︰有咩唔得，我唔想搞大佢，你走喇，我依家趕住去廁所同成員會合！

長毛︰@##$$%%^&&***