政壇：政商定格：王利民北極狂奔夢成真

康宏理財嘅「極地狂奔」唔係得個講字，佢哋一行八人終於完成北極馬拉松，自言「跑數同跑步一樣咁叻」嘅主席王利民喺第五圈時雖然手腳冰冷無知覺，但經半小時休息後繼續賽事，最終以七小時零四分完成，成功達成賽前定下八小時內完成嘅目標，亦是香港隊中第二最佳成績，僅僅輸畀隊員魏華星！

喺本港時間尋日清晨六點半左右比賽開始，當時氣溫只得零下二十八度。完成賽事後，王利民話除咗實現夢想外，更睇到冰川融化情況，深深感受到全球暖化問題嘅嚴重性，仲話返嚟後要多啲參與環保工作喎！