政壇：政商定格：中山叻二代賀「金色年華」

香港中山青年協會成立兩周年，日前舉行聯歡晚會大玩「金色年華」主題，逾二百位「中山幫」到賀，包括孫中山家族第五代後人Kevin孫偉勇同永安百貨家族後人Sean郭永義，而仁濟醫院前主席陳耀星公子Vincent陳湛偉就擔任協會主席。Kevin依家擔任一間酒店管理公司嘅總裁，佢笑言唔會搞革命，但背負「名人之後」四個字壓力都唔小，從小提醒自己要行正道、做正事，唔好失禮先祖。

數中山叻二代，仲有畢業於美國麻省理工嘅Sean繼承爸爸郭志舜衣鉢做建築師，香港有唔少著名建築都係出自佢手筆。郭家喺中山有投資房地產及酒店，難怪Sean熟晒地頭喇！Vincent來頭都唔細，係哈佛商學院高材生，從事金融生意，家族喺中山開製衣廠。