SUN搞作：Sun官場現形記：怪獸這一家

香城怪事連連，先有怪獸家長幫研究生問課程同埋帶囝囝見工，又有怪獸局長「鬚很長」顧住睇波唔理限奶令，向住鐘錶界大發膠言。李衞雖然只係官場入面一隻迷途小羔羊，但係睇見都只可以頭擰擰。點知怪事不絕，仲畀李衞見到怪獸家長大戰怪獸高官！

怪獸高官：我叫咗去睇場欖球，咁場波有啲人踢，就中斷咗。條友問我要唔要轉上網睇，我唔使講啦，就要上網。點知佢話上網有可樂，我都唔知佢噏咩，跟住我話唔要嘢飲，佢話30蚊:o)我話唔要，跟住佢話我係咪睇電視。

怪獸家長：你嘅遭遇都幾令人費解，其實你想講乜？

怪獸高官：我話，我唔係成日都online，真係on on哋，一online就出事。因此呢，時間好重要，錶都好重要。

怪獸家長：你身為高官，咁樣講嘢點得o架？你寫定稿講好過啦！

怪獸高官：稿？無時間。有時間睇波。

怪獸家長：唉，等我幫你寫喇。仲有呀，你唔好同記者講限奶令唔關你事呀！

怪獸高官：關我事咩？

怪獸家長：你阿媽我除咗要幫你做官，仲要幫你撲奶粉畀你飲，點樣唔關你事？

怪獸高官：嗚嗚！媽媽，原來你一直咁關心我，你好偉大，多謝你！