SUN驚奇：發揮瘋狂創意 調劑苦悶生活

一人起舞，百人起動，「哈林搖擺」如騎馬舞一樣，全球爭相仿傚；中文大學文化管理碩士課程主任何慶基分析，「哈林搖擺」可讓青年發揮創意，突破苦悶生活限制，同時舞步、人數、地點全沒限制，容易上手，令熱潮瞬間興起。

「好多人平日生活苦悶，好多既有框框，『哈林搖擺』就畀人有空間做啲瘋狂嘅事，發洩吓，又唔會好干擾日常運作，所以吸引人去模仿。」何續說，「哈林搖擺」很簡單，不懂跳舞亦可做到，加上互聯網將片段瞬間傳播至全球，因而迅速流行。

臨床心理學家鄒凱詩亦稱：「每個人都有羊群心態，想做主流，唔想成為異類，不過當中亦希望表現自我。」她指出，年輕人貪新鮮又着重自我形象，自選場地角色以至服裝打扮，可發揮創意展示其個人風格，加上由於參加的人可選擇不表露身份，因而受年輕人歡迎。