SUN世代：南韓工作變愛做運動

在蘇格蘭讀寄宿學校的Timothy，養成對運動的興趣。踏入社會後，礙於工作他一度疏於運動。但被派到南韓工作，令他重拾對運動的興趣，回港後更將運動氣氛帶入公司，與員工一同接受體能挑戰。

回想寄宿生涯，Timothy說：「嗰時淨係讀書同做運動，學校安排好多課外活動，一定要學生參加。」當時他揀了欖球、游泳和網球，其後更對高爾夫球產生興趣。惟投身社會後，繁忙工作令他無暇運動，但在南韓的工作經驗，令他出現改變。「南韓人好重視運動，公司會有健身中心同小型高爾夫球場畀員工，好多員工喺工作前都會做運動，每逢周六同事仲會一齊行山。」受到感染下，他重拾對運動的興趣。

回港後，他參與過多項長跑賽事，更鼓勵同事參與。「今年大部分同事都會參加渣打馬拉松，我同幾個同事會跑半馬。」他更找來半馬拉松冠軍－肯尼亞的基寶迪（Thomas Kiprotich）為同事訓練，希望一同跨越挑戰。