政壇：政商定格：洪丕正玩遊戲爆出秘密

渣打香港搞咗個傳媒春茗，行政總裁洪丕正連同十幾名高層齊齊出席，期間除分享佢哋對今年經濟前景嘅睇法之外，又齊齊玩遊戲，仲爆咗洪丕正一個秘密添！

個遊戲係估喺幾名高層之中，包括渣打集團行政總裁冼博德、集團財務董事麥定思同洪丕正等人，邊個嘅工作年資未夠十年。結果公布喇，原來大家都做咗十年或以上，而洪丕正早於九二年加盟渣打，已經做咗最少二十年﹗

洪丕正又話睇好今年香港經濟會好過舊年，又寄語大家發揮馬拉松精神，多啲用正能量來面對挑戰。