政壇：政商定格：陳細潔法國滑雪攞苦嚟辛
鯊魚女Abbie陳細潔每年都會喺農曆新年期間到法國滑雪，今年仲首次試玩恨咗好耐嘅雪上電單車，但結果貼錢買難受。Abbie話：「其實想玩好耐，但好難book，今年終於玩到，點知遇着大風雪，戴咗頭盔就睇唔到路，所以要打開頭盔嘅玻璃篷，但啲雪打落塊面同眼度好痛，而且同揸電單車完全唔同，辛苦好多，每轉彎都要用盡全身力，玩咗半小時已經冇晒力。而且咁大雪又睇唔到風景，之後仲有啲作病，可能被風吹得厲害。」
Abbie之後再到倫敦探望姪兒同到巴黎探朋友飲飲食食，佢話雖然去過倫敦好多次，但都係首次遊景點，同姪仔去倫敦摩天輪同大笨鐘，佢話：「坐喺摩天輪上面，三十五分鐘先轉一個圈，轉得好慢。不過多角度睇倫敦夜景，算係另一種感覺。」
陳細潔農曆新年去法國滑雪，兼去倫敦探姪兒。