政壇：政商定格：吳傑莊買鞋備戰馬拉松

金至尊數碼行政總裁Johnny吳傑莊組隊參加聽日舉行嘅馬拉松賽事，咁啱喺前幾日朝早十一點幾喺某商場一間體育用品店見到佢。店內鞋款琳琅滿目，佢「掃射」幾秒後，眼球被一對紅色氣墊跑鞋吸引，毫不猶豫坐低慢慢試，見着得好舒服，於是扑錘花一千多元購買，用嚟跑馬拉松。

佢話屋企有十幾對運動鞋，通通揀鮮艷顏色，事關跑起嚟特別開心喎！今次佢將以工程科技學會（香港分會）委員身份領軍，旨在慶祝學會二十五周年紀念，隊友們仲印埋隊衫，士氣高昂。佢近日頻頻練跑強壯心肺功能，誓要跑出最佳成績。