政壇：梁美芬馬恩國解畫撲火

立法會議員「鼠王芬」梁美芬星期三喺立會就「落實雙普選」辯論時，因提到「出動解放軍」言論而備受抨擊；而本身係大律師嘅建仔司法及法律事務副發言人馬恩國亦因喺立會會議上爆粗而被大律師公會紀律審裁組調查。佢哋尋日分別為自己嘅惹火言論解畫。

鼠王芬喺社交網站發帖，話「出動解放軍」論係引述港大法律系副教授戴耀廷喺周刊嘅講法，唔係佢本人提出，又話自己十分尊重港人遊行示威權利，佢只係希望泛民主派可以聆聽唔同聲音，停止「癱瘓警署」、「癱瘓中環」等危險呼籲咁話。

馬恩國亦承認當日喺立法會嘅言論用字不當，又話自己係因為憤怒至衝口而出，如果因為咁而破壞咗大律師公會喺公眾眼中嘅地位，佢謹此致歉。佢仲話大律師公會已接手處理事件，唔會再回應。兩人都分別解畫，公眾點睇就要留意事態發展喇！