SUN搞作:有乜依郁揸住碌竹!
唉!人行花市你行花市,走去幫襯人哋一舊水買棵竹,搞到人哋雞毛鴨血!老老實實,你買碌竹都啱嘅,依家去到邊都遇示威畀人鬧,嚟緊幾年都唔知點過,有乜依郁,起碼都有碌竹揸吓吖!
年宵熱賣貨品check it out!
卜楷曾蛇妖
《Sun搞作》嘅話題力作《天子屠蛇》玩謝貪曾玩到街知巷聞,人人爭取拜讀。人哋大熱港漫都會出figure公仔,我哋又點可以唔出番隻蛇妖公仔賀賀佢?不過咁,小說嘅卜楷曾實在太樣衰啦,我哋都係出番隻cute小小嘅版本,費時嚇親讀者啦。
啤啤夢熊
要數呢期最爆嘅,點都係夢熊大師啦!佢呢嘢「傷敵一千,自傷八百」嘅爆料絕技,都真係嚇得吓人o架!加上佢個樣咁似大雄老師,咁有喜感,配上熊仔嘅打扮,fit晒!
有乜依郁揸住碌竹。
卜楷曾蛇妖。
啤啤夢熊。