政壇：政商定格：港交所送牛牛利是賀歲

港股蛇年首個交易日喺正月大年初五開市，適逢當日又係西方情人節，加上港交所交易大堂大翻新後首次亮相，咁多喜事一齊嚟，港交所好識做，應經紀要求，將今年抽嘅「特別版」利是，除咗「金牛」外，仲加埋「大牛」，等出市經紀有機逗多封大利是。

話說港交所派畀「紅衫仔」出市代表嘅利是，由舊年龍年開始已「加碼」，當時就有經紀起哄提議，港交所下次應將「特別版」利是加多幾款銀碼，等多啲人抽中。港交所今年決定順應「民意」，蛇年開市除咗有十封「金牛」抽外，仲加多咗廿封「大牛」五百元，即係話總共有三十封大利是，準備出市經紀嚟攞！

港交所主席周松崗今年係首次主持農曆年開市，會同李小加總裁一齊做「財神」派利是！