政壇:政商定格:馬廖千睿教煮溏心靚鮑
港區全國人大代表馬豪輝太太Elaine馬廖千睿早前喺上環海味街相熟嘅舖頭,買咗一斤二十二頭嘅吉品靚鮑魚,打算煮番餐愛心大餐慰勞吓老公。佢跟過「阿一」楊貫一學煮鮑魚,好慷慨咁將煮溏心鮑魚嘅秘方同大家分享。
Elaine話煮乾鮑第一步係要浸水,浸大約三日後體積變大,先會燜得入味。佢又教路,燜鮑魚要有耐性,大約燜八至十個鐘後,仲要焗過夜。
第二日拎出嚟放喺通風及陰涼地方吹一至兩個鐘,等鮑魚收水同埋轉溏心色,呢個步驟簡單但好關鍵。到鮑魚收晒汁之後,就可以放入雪櫃保存,到食嘅時候加番啲鮑汁蒸個零鐘,最後上埋啲芡汁就大功告成喇!
馬太煮嘅溏心靚鮑魚,媲美大酒樓出品。