SUN搞作：打橫嚟講：累人累物嘅《拖政報告》

香港人，真大鑊，經歷咗老董的渾噩，貪曾的腐敗等災難後，今劑，以為有個精明、唔傻嘅「專業人士」來睇住呢個爛攤子啦！點知，仲賴嘢！真未知點收科，都未知要衰到幾時至收科，真弊！

梁振英說盡好話，將佢份《施政報告》拖延三個月後，才攞出嚟「晒冷」，等此地一班支持佢嘅傻仔心存厚望，以為有得救，猛話畀機會佢，讓佢可以做實事！

吓，仲信佢？若再信佢話可以幫到你的話，你唔係傻嘅！都不可以話畀人知呀！因會畀人笑！

拖足三個月，呢份坊間戲謔為《拖政報告》的廢紙，劣評如潮，連政府人也不敢出來撐半句，可見幾「　」！

單係梁先生最專業範疇的樓房地產問題，不特止毫無解決方法，反而更見鑊氣。

勿說話中產買唔起樓，基層上唔到車，連租劏房都住唔起了！印花稅已成行內的笑料，土地政策更是笑中之笑，除沿用上一任卜楷曾的舊方案外，最得人驚的，係《拖政報告》內癲到放寬半山發展限制，表面係增加建地比率，實則學埋貪曾咁利益輸送給地產惡霸，氹佢哋歡心！但，有沒有想清楚，港島半山之得人鍾意，乃因樓矮屋少，人不多，清靜空氣好，現大興土木，搞雜晒，係對有錢人有利啫！

且半山起高樓大廈，影響山背景觀，破壞香港獨特美景，點計先？仲有，人多住了，交通的承受又肯定係大災禍，香港島唔塞車塞死人，我就切！

如斯的方案都敢定出嚟獻世，仲話係熟建築測量嘅，食蕉啦！

歡迎add我facebook一齊(目及)實政府

次文化考古學家，對城中潮語有深入研究，博徵博引，廢官廢人行埋一邊。

彭志銘