SUN搞作：網絡小說：少膽虫手記：咁又過一關

這幾星期，少膽虫擔心的，還是淫黎。唔知係咪因為個腦有事，淫黎呢幾日成日都癡癡呆呆，又好似好驚咁嘅樣。唉，少膽虫都明嘅，林強講到要告我哋誹謗喎，嘩，刑事嚟o架喎，如果告得入，淫黎要坐監，壹全霉真係會玩完。

今日，少膽虫如常返工，行過淫黎個位，見到佢面色發青，不停口噏噏咁話：「唔好告我誹謗，唔好告我……」都已經心知不妙。

果然，淫黎話音剛落，外面哨崗已經傳來警號，說林強不打算以法律途徑解決問題，要把此事提升到法律層面以上，已手持大刀，殺到壹全霉大樓外。

少膽虫心想：「唔係啩？拍武俠片乎？」卻料不到，外面哨崗竟然不斷傳來最新戰報，說林強如何銳不可擋，如入無人之境，壹全霉十八連環崗，已被他攻破其七。

此時，少膽虫才恍然大悟，原來公司外那些冬天時穿得像西伯利亞警衞，行行企企最鍾意check人職員證的「實Ｑ」們，原來是用來幫淫黎擋仇家的！

一時間，公司內的編輯記者們，像肥豪他們，都已經靠攏在一起，神色凝重。少膽虫也不禁緊張起來，便意亦跟着來襲。只聽得最新的戰報說，林強已經攻到樓下了。聽到這消息，少膽虫不禁尿了一褲子。

少膽虫望向淫黎，只見淫黎臉色刷地變白，口吐白沫，自顧自地搓揉着心口，像連呼吸也有點困難。少膽虫當然想第一時間去照顧淫黎，卻見肥豪已經在遠處大叫：「黎生！」三步併成兩步，飛撲到淫黎身邊，用其肉手幫淫黎搓背摸胸。

「又畀佢快一步！真係唔抵！」少膽虫雖心有不甘，但亦無可奈何。此時，卻見到林強已經殺到編輯部，橫刀冷眉，怒目而視淫黎。「淫黎，你都有今日！」

淫黎大叫一聲，一把推開肥豪，仰天狂呼：「我叫小明，我有支長槍，我係小明，我有支長槍，哎呀，槍頭爛咗，啲毛甩晒……唔信？畀你哋睇吓！」說罷便欲脫褲。少膽虫合上眼，不欲看那悲涼的一幕，卻見林強一把捉住淫黎的肥手道：「算了吧！我林家祖訓，不得欺凌強小，今次放你一馬，下次好自為之！」說完便揚長而去。

萬料不到，林強一去，淫黎立即回復正常，臉色紅潤，呵呵大笑：「哈哈，扮吓爛槍小明就過到關，真容易！」少膽虫看看淫黎，只想起星爺的對白：「咁易畀你估到，我就唔叫食神啦！」原來，無恥真係無敵。

作者：少膽虫