政壇：政商定格：莫華倫嫌西九起得太慢

男高音莫華倫前晚喺香港歌劇院十周年慶典音樂會表演，積極向普羅大眾推廣歌劇嘅佢，坦言希望政府能夠給予更多資助。問到有關西九文化區發展一事，佢話：「太耐啦，根據以前所講，依家應該已經起好，我希望十年之後可以真係起到啦！」咁政府有冇諮詢你意見？佢話：「問過吓，不過我唔喺諮詢委員會。其實唔使諮詢咁多，快啲起，希望政府可以強勢啲。」

另外，佢話自己一直忙於喺世界各地演出，最令佢難忘嘅係舊年參與Royal Variety Performance，並於英女王面前獻唱，仲同對方交談同握手。