政壇：政商定格：史立德60大壽勁舞似Psy

廣東社團總會副會長Allen史立德，早前大排筵席慶祝六十歲生日，六、七百位城中老友齊去賀壽。咪以為踏入耳順之年，就要擺出一副老態，嗰晚佢活力無限，戴上黑超、着上花花西裝嘅佢竟與風靡全球嘅韓國男星Psy有九成神似，佢同二十位來自仁愛堂幼稚園嘅小豆丁齊齊勁跳熱舞，有型又可愛，掀起現場一片歡呼聲，賓客情緒High爆。

當晚去賀壽嘅城中名流多到數唔晒，壽宴籌辦得咁成功，史太顏景蓮功不可沒，靚太仲獻唱一首《月亮代表我的心》，為溫馨嘅生日會開場。Allen嘅四位兄弟亦攜家帶眷出席，子孫滿堂嘅史老太成晚開心到不得了。