政壇：渣打人仔專家出書行善

人民幣國際化條路點走，唔單係中國大事，仲係全世界焦點，食粥食飯都睇佢，渣打香港有兩個公認嘅人民幣專家——羅銘勤（Robert Minikin）同劉健恒，最近合作出咗本有關人民幣發展嘅書，有心研究呢個課題嘅人，又多一本參考書。

本新書叫《The Offshore Renminbi》（離岸人民幣），羅銘勤依家係渣打香港高級外匯策略師，劉健恒係亞洲區高級經濟師。劉健恒話佢哋喺過往幾年經常去唔同地方介紹、解釋人民幣嘅發展，呢本書係集合咗佢哋呢幾年嘅經驗。

兩名作者所有版權收入都會撥捐由渣打香港同奧比斯共同發起嘅「看得見的希望」行動，協助眼疾病人。