《蘋果》又玩老屈 道歉不如道別

爛果報老作新聞已經唔係新聞，但錯得咁離譜又咁滑稽嘅，都算得係新聞界奇聞咯！

爛果報前日頭版報道，行政會議成員林奮強喺一個閉門講座揚言「我係完全歧視新移民」，「要佢哋住劏房無問題」。嘩，有頭有面嘅行會新貴公開煽動族群仇恨，咁匪夷所思，咁聳人聽聞，仲唔係大新聞？原來爛果報又玩老屈！

林奮強播放當日聽眾錄音以正視聽，聲帶清清楚楚聽到林奮強係咁講嘅：「我哋完全唔係歧視新移民，嚟到香港，喺法律上係香港人，就係一等公民。」爛果報係咪作新聞作到失常呀？人哋明明話完全唔係歧視新移民，你就話人哋完全歧視新移民，黑白顛倒，屈得就屈，好彩今次有錄音為證啫，否則畀你老屈嗰個水洗都唔清！

一葉知秋，從呢單獨家錯料就知爛果報做新聞幾咁兒戲。行會成員大庭廣眾話「我係完全歧視新移民」，稍為用吓個腦都覺得有問題啦，爛果報如果有特別政治需要，需要抹黑，需要欺騙，唔該編個相對合理嘅故事吖，一日就穿煲，一嘢就被人踢爆，仲有冇低B啲呀？

其實，爛果報之所以誣衊林奮強歧視新移民，原因就係佢哋歧視林奮強。以為有位可入砌死行會新貴吖嘛，所以咪唔理三七廿一展開抹黑行動囉。爛果報一來無料低能，二來唔負責任，咁樣做新聞簡直係新聞界之恥。

唉，新聞第一戒條就係求真，爛果報咁荒謬嘅事都搞得出嚟，仲有乜嘢荒謬古仔作唔出？嗱，淫賤黎，萬一你被人告非禮，你話「我完全唔係有心碰佢個胸」，結果第日頭版雞乸咁大個標題報道：「淫賤黎：我完全有心碰佢個胸。」咁就該煨囉！

爛果報成日話北京強姦香港民意，自己就強姦林奮強嘅說話，今次又有乜嘢狡辯呢？爛果報總編輯張劍虹話喎，今次只係記者唔小心，絕對唔係作新聞喎。嗱嗱嗱，呢啲咪叫此地無銀三百両囉，爛果報寫新聞當作古仔係人都知o架啦，最經典嗰次係畀錢喪妻不久嘅陳健康北上尋歡，然後做戲咁做圖文並茂獨家報道，醜聞踢爆之後搞到全城喊打，淫賤黎又係急急登全版啟事公開道歉。

所以話啫，爛果報老作新聞係死性不改嘅陋習，將香港傳媒生態搞到亂七八糟。唔使道歉嘅，道別啦，收檔啦，淫賤黎既然要賣台灣壹淫媒止血，不如賣埋香港爛蘋果啦，香港就一天光晒嘞，叮！