SUN搞作：打橫嚟講：卜楷曾禍港暗招又一劑

上一屆香港卜楷曾特首，好很蠱惑，如果畀佢繼續留喺政府度，香港將會變成乜樣子呢？不敢想像。

有香港團體舉辦民間投票選出去年政壇十大謊言和十大浪費公帑事件，卜楷貪曾皆名列前茅。

講大話，貪曾排第一。在交代接受富豪款待事件裏，佢話：「我一直按足本子辦事，對得住良心」，嘔唔嘔肺吖？

浪費公帑中，更弊！貪曾瀆職私吞公家茅台酒一百八十萬港元，令庫房無錢收。你話佢幾PK吖！

上述兩單嘢，都未能反映此Cheap精的賤行，呢件打壞仲借搬總部為名，毀滅超大量「秘密檔案」，依家，大家才知道背後真正原委！

噢！「毀屍滅迹」？仲未算仆街呀！貪曾臨走前，舊年七月，不顧坊間反對，急急的通過《公司條例》的主體新例，收緊查冊公司董事資料，公然包庇犯事的股東僱主，這樣不尋常的改動，不特止妨礙新聞工作者的追查報道，亦削減了市民的知情權，更涉嫌鼓勵不法之徒借公司個朵行騙和洗黑錢，同時，還暗暗變相隱埋官商勾結的利益衝突。呢次立法，係心術不正的舉動，所以有逾八百間公司會的香港中小企業聯合會也開口反對，佢哋話「老實從商，怕乜查冊……查冊制度多年來都無問題，點解無端端要改？」

Dee！呢件卜楷曾臨死都其言不善，要出蠱惑毀滅證據還未夠，仍有後續益財團，唔知佢仲有幾多唔見得光嘅炸彈埋下禍港？還是望老廉早日拉佢入冊便是！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府