SUN搞作：黐筋網相：燶完地產教人避稅

當大家以為樓市辣招漸受市場消化，食咗落肚喇，梗係唔辣啦，但原來唔係消化咗，係根本無食到！講緊嘅係燶完地產公然教非本地客透過買賣公司，避過樓宇交易而要徵收嘅特別印花稅。個廣告用簡體中文不特止，仲整個曾俊華頭像出嚟，講句：「你真有辦法！」再加兩個like手勢，左上角另外再多一個網上流行的姚明漫畫頭像，呈現出一片不知所謂嘅風格，真係啱晒燶完嘅形象。其實呢，家下中港矛盾咁敏感，地產佬唔搞咩四百幾萬嘅「窮人恩物」搵銀，都唔等於可以走去搞呢啲削弱港府稅收嘅嘢o架。