SUN搞作：少膽虫手記：萬能道歉啟事

大家以為少膽虫有嘢爆？屈人當食生菜喇，登吓道歉啟事咪無嘢。不過淫賤黎今次竟然嬲到發晒癲，少膽虫惟有出面認衰仔兼道歉！雖然，少膽虫勉強保住老腫個位，但淫賤黎就日日嘮叨，仲要搞培訓班教記者、編輯點「作文」喎。

依家科技咁發達，少膽虫用手機識吓妹妹仔咁就過一堂喇，轉瞬間有女仔回覆少膽虫，佢劈頭就問︰「少膽虫，你唔使做嘢咩？」少膽虫思考咗半分鐘，最後少膽虫決定響朵︰「《爛果》我話事，邊個敢管我！」

點知個女仔竟回覆︰「係咩，咁你望吓左邊窗！」仲傳個嬲樣嚟，少膽虫惟有向左望一眼，嘩！淫賤黎竟然企定定係度。

少膽虫惟有怯住回覆，「你又知呢度有個死肥佬嘅？不過唔使理佢，打雜嚟啫！」少膽虫仲扮成熟，唔加表情符號回佢，淨係用紅色字體嚟表達情感。呢個時候，淫賤黎突然走入房︰「少膽虫，啲紅字係咩意思先？」少膽虫頓時醒悟，惟有口窒窒講句︰「老細，紅字為笑點……」

「唔使講咁多，少膽虫你同我入房！」淫賤黎大吼。一行入房，淫賤黎即拎出皮鞭，猛鞭少膽虫。每一下抽送，都伴隨少膽虫嘅哀號︰「唔好……唔好！」淫賤黎愈鞭愈興奮︰「咁就玩大佢！」少膽虫再懇求道︰「老細，唔好呀！」呢一句說話又激起淫賤黎獸性，佢掟開條鞭話︰「就試下仙人掌啦！」

少膽虫下身吃痛，哀求：「大佬！我唔要！唔想再拮呀！好唔舒服……唔……唔……」淫賤黎忽然停手，好認真咁問：「咩話？你話好舒服之後，口郁郁講咗啲咩呀？」少膽虫心諗「鬼有話好舒服咩？」之際，淫賤黎再將仙人掌伸出，話：「你話『我要！想再拮呀！好舒服』，先益你咋！」少膽虫恍然大悟，淫賤黎聽唔到個「唔」字o架！但仙人掌已經掂住咗少膽虫，少膽虫只好急中生智大叫：「唔要停！」

就當少膽虫以為甩難，點知淫賤黎忽然睇到唇形，手上用力一送，奸笑住話：「你想話唔要停？一定！一定！」今次淫賤黎向少膽虫登番篇道歉啟事，都補償唔到少膽虫嘅創傷喇……