SUN搞作：淫賤黎作賊身虛

道歉啟事

《爛果日報》前天報道行政會議成員林奮強上周四在閉門論壇稱「完全歧視新移民」，《爛果》老腫少膽虫承認報道錯誤，鄭重地向林奮強道歉。

少膽虫聽過錄音後表示，「今次的確係《爛果》唔謹慎，平時報新聞，通常會搵啲死無對證嘅材料，但今次真係估唔到會有錄音留底。」會否擔心《爛果》遭質疑「作新聞」唔夠班？「絕對夠班，係記者唔小心，無錄音畀公司改咗佢。《爛果》一定會吸取教訓，秉承一貫小心作新聞嘅態度，請讀者放心。」

人人數臭《爛果》

Wesley Tong：垃圾報紙就有垃圾員工

Marco Pang：蘋果今次真係柒到呢！

Can Choy：「錯就係錯，錯就要認」，講到懶大義凜然咁，點解又無人要負責任呢?你屈親人都叫哂口號，「落台」呀、「辭職」呀咁，你地自己一句道歉就可以解決問題，人地就一定要人頭落地？！

Justin Xinu：嘩～一句聽唔清楚就可以作新聞？咁你哋啲報道以後仲有冇人信呀?? 你哋真係令人好失望……

Jeff Yung：人地做錯你就叫人下台，道歉都唔得。今次自己做錯，係咪都應該要下台先，你無理由叫人做錯就下台，自己做錯就扮乜事都無！

Akira Ng：蘋果日報咁樣係講大話冇誠信，唔能夠就咁道歉了事，應該執左份報紙佢。