政壇：李天穎愛吃素行山唔喘

由「生命熱線」舉辦嘅「愛‧喜‧行」慈善步行籌款活動，旨在喚起大家珍惜生命，尋日吸引逾四百位善長參加，由薄扶林水塘道步行到山頂，身為生命熱線名譽贊助人暨執行委員會主席、新地非執董郭炳湘太太Wendy李天穎，一身七彩運動服現身，青春氣息十足。呢條路有少少斜，但難度唔算高，Wendy話之前行過有經驗，結果唔使一粒鐘就行畢全程，合共籌得逾一百萬港元。

抵達終點一刻，見Wendy氣都唔喘一下。咁fit係有原因嘅。原來佢愛上茹素，啟發佢嘅係一本書叫做《Forks Over Knives》，令佢明白肉類含好多毒素，尤其係牛肉，睇書後決定減少食肉，每當唔使出外應酬，都會食清啲。佢仲自爆身邊唔少好友都轉趨食素，唔知老公郭炳湘有冇受佢感染呢？