野豬BB放生尋母

一人一E Mail救小豬嘜!野豬家族郊遊樂極生悲，小野豬因墮渠被擒，豬媽媽「流豬淚」骨肉分離動人事，昨日牽起全城愛護動物人士的同情心，有環保團體在社交網站發起一人一電郵救小豬，要求漁護署將牠放生，希望可以一家團聚；亦有大批網民猛轟漁護署「好做唔做」，拆散野豬大好家庭。漁護署獸醫昨日為小野豬檢查後，證實牠健康正常，已將牠帶回沙田大圍山坡放生，希望能夠與豬媽全家團圓。

發起電郵救小豬的「環保觸覺」，對於漁護署做法表示反感，直斥其拆散野豬一家，堅決反對人道毀滅小豬，並要求署方將牠放回山坡找回豬媽媽。大批網民在facebook及討論區留言，批評漁護署做法冷血，網民Yingying稱：「漁護署雖然話未受傷會放番bb去原居地，但會擔保佢哋一家團聚咩？唔一定可以搵返豬媽，可憐豬bb仲咁細…」Leung則稱：「一句講曬（晒），好做唔做。」

網民疑發現豬媽媽

另外，有網民昨日聲稱在沙田山頭發現豬媽媽及三隻小豬蹤影，懷疑正找尋失散的骨肉；網民並將相片上載至互聯網。

事發於前日上午，一名男途人發現一隻五呎長的野豬媽媽，帶着四隻約一呎半長的小豬，在大圍金獅花園近紅梅谷山坡出現，一家五口時而曬太陽，時而母豬向子女餵奶，場面溫馨。漁護署十多名職員及獸醫，帶同麻醉槍到場圍捕，母豬受驚帶同子女大逃亡，其中一隻小豬失足墮坑哀鳴，母豬欲救無從，多次回望後，帶着三隻小豬依依不捨地離開。

墮渠小豬事後由漁護署人員救起送往檢驗，並稱會視乎其健康狀況決定放生抑或人道毀滅，至昨日終將其放生。