City Parade：親子尋夢
樓高四層嘅巨型LED幕牆，登陸銅鑼灣。一個英國經典品牌首度於香港旗艦店，以砌圖方式一件一件裝嵌成一幅十八米闊、二十米高嘅外牆；千萬港元裝身嘅巨幕，城中名人爭住先睹為快。龍B效應下，唔少名人2012年都榮升做媽咪；講到BB床褥，大家都好講究。一個英國皇室御用嬰兒床褥品牌早前駕臨香港，喺中環ifc舉行午宴，城中美麗媽媽齊齊出席，體驗柔軟舒適嘅睡眠享受。
潮媽試床：湊仔經
一索得男嘅名模Tais Fortes（左）不忘向汪詩詩（右）請教湊B心得。
大忙人
前教育局長政治助理楊哲安太太張燊悅忙於湊女，大嘆無時間放鬆自己。
讚佢叻
已為人母嘅名模歐陽妙芝（左）輕易勝出「鬥快換片」比賽，公關公司老闆周美鳳（右）都讚佢叻。
愛講究
代理床褥品牌嘅周國豐太太周黃泳霖（左）講究睡房布置，新世界聯席董事總經理兼執董鄭志剛太太余雅穎（右）都有同感。
霸氣登場：齊舉杯
百利建國際有限公司董事總經理陳正欣（左起）、藝人陳豪、劉心悠及九巴後人雷禮權齊舉杯主持亮燈儀式。
諗驚喜
莎莎老闆郭少明將生日，莎莎太子女郭詩慧（左）與老公陳振邦（右）絞盡腦汁搞驚喜。
甜蜜蜜
息影歌星蔣麗萍（左）風采依然，呢晚輕挽老公Simon（右）手臂而來，甜甜蜜蜜。
獨樂樂
珠寶品牌Qeelin創辦人陳瑞麟單拖到賀，一樣開心。