尋日係2013年1月4日，唔少人都會選擇喺呢一日結婚或者表白，取其「愛你一生一世」嘅諧音。貪盡海陸空，衰到無朋友嘅貪曾，都喺呢一日懶係浪漫咁向老婆表示愛意，話會愛佢一生一世咁話喎。阿貪太識咗佢老公咁多年，唔通唔知佢講大話唔眨眼咩。果然，話口未完，已經見到貪曾拎住貪埋貪埋嘅污糟錢，過大海搵女人豪賭。老老實實，香港市民都真係想貪曾一生一世嘅，不過係坐一生一世監啫！
