SUN搞作：重新出發：瞓多啲啦妳！

香港係一個繁忙嘅城市，香港人日做夜做，無時間瞓覺，不過我哋唔會抱怨，因為呢份就係香港人嘅拚搏精神……嗱，呢個應該係小編聽過最大嘅大話。

根據小編嘅非正式統計，十個香港人九個夜瞓唔夠瞓，其中八個人夜瞓嘅真正原因，係因為掛住fb上網煲劇打機whatsapp甚至無所事事。嗱，明明係有得瞓唔瞓，咁第二日人哋問你點解眼袋大過銀包，就唔好同人呻自己幾多嘢做幾辛苦啦。

同埋，根據堪輿學家鬚紋瘋（好似係）嘅講法，瞓多啲覺，個人氣息會好啲，做嘢爽啲，心情好啲，運氣都好啲o架！所以，妳嚟到2013，其中一個目標，應該係瞓多啲！