政壇：洪為民改革iProA 一石二鳥

互聯網專業協會（iProA）近年屢捲政治風波，今年五月菁英會榮譽主席洪為民（Witman）臨危受命接替辭任嘅鄧淑明出任會長，iProA日前舉行周年會員大會，佢再獲連任會長一職兩年，即時向會員拋出未來兩年革新大計。

Witman嘅建議係適當減少社會服務，做番多啲同會員相關服務，頭炮係喺明年三月到湖北武漢了解當地嘅高新科技發展，之後亦會舉辦一系列業界研討會。對內就重樹形象，確保各委員會都有實務工作，另一方面又會招攬多名年輕業界人才加入，為iProA注入更多新血。明眼人都睇得出，iProA嘅新路似乎有意遠離政治呢個是非之地，摵甩早前連串不利傳聞困擾。有業界中人形容，iProA整頓後重新出發，客觀效果有助凝聚會員，甚或係為部署奪回資訊科技界議席做好準備，確有「一石二鳥」之效。