政壇：林達民鄺美雲 珠寶作媒

近年醉心珠寶生意、有美人之稱嘅鄺美雲（Cally）早前承認同被喻為恒基主席李兆基（四叔）愛將嘅恒基營業部總經理林達民（Thomas）蜜運中，兩個人日前現身跑馬地馬場，一貫貴氣打扮嘅Cally同Thomas有講有笑，好不溫馨。

Thomas接受查詢時都大方承認兩人由七月開始拍拖，至今已五個月。兩人點樣相識o架？原來為恒基旗下樓盤銷售揸旗嘅Thomas早前經朋友介紹同Cally合作舉行珠寶展，本嚟諗住為旗下地產項目造勢，點知兩人一見鍾情，好快就墮入愛河。Cally為咗避嫌，最終場珠寶展都係冇搞到。咁兩人幾時拉埋天窗？Thomas甜笑話，仲享受緊拍拖嘅感覺，結婚遲啲先講啦！