次世代生活圈：天體獵人把星光留下

黑夜抬頭，漫天星雲神秘懾人，吸引一眾年輕人追逐千億光年傳來的光華。他們冒寒登山，以鏡頭代替眼睛，為的是可看得更仔細，按下快門，拍下空中星軌，即使在白天，仍能回味那永恒影像。

「細個睇天文相覺得宇宙好神秘，好奇天空之外會有啲咩。」八十後的嘉豪自小迷上夜空星體，關注星星行蹤，與Thomas一樣，讀大學時開始，便愛上拍天空外的美態。

要揭開天體面紗，相機是他們另一雙眼，Thomas笑說：「用肉眼、普通望遠鏡睇雖然好真實，但太遠太暗，睇唔到顏色，但你用相機就影到當中細節，好有滿足感。」他稱，天體攝影與拍風景照不同，難有角度跟構圖，但星星結構本身就是美，因愈影得多細節就愈美，對它們的了解愈深。

不過要將遠方光影放在照片，少點耐性亦不可。Thomas說﹕「星星又遠又細、仲好暗，對焦一有偏差，效果就差好遠，要不停試位，影好多張再用軟件合成，最終影得成嘅相，一晚都係得一、兩張。」

拍攝過程更要望天打卦，嘉豪形容：「香港一年先得廿幾日天清，基本上都係即興，下晝四、五點見天氣好就約朋友，十點鐘集合就影。」「要無雲、天清、唔可以有風， 唔係畫面就會浮吓浮吓。」一年成團只有七、八次，Thomas說：「所以有時天氣差都去碰運氣。」

定焦器、測度儀、長鏡頭，背上近二十磅器材，攀上大帽山山頂、走到西貢東霸、大嶼山水口的沙灘，更曾走到海外。嘉豪說：「當你見到成條銀河，你就會好受感動，要親身經歷至感受到。」即使徹夜不眠，捱凍抵餓，能將眼前的星空留下，一切辛勞已不再重要。