政壇：政商定格：劉燊濤花都拍拖博生B

新一年將至，工總青委早前舉行聯歡派對，眾人開心大玩之外，唔少話題都圍繞新一年大計。青委副主席劉燊濤（Gary）同太太吳奕筠齊齊出席，啱啱結婚一周年嘅Gary話，明年四月將趁去瑞士參加鐘錶展，同太太拍拖暢遊浪漫花都巴黎，佢笑稱，自從話想生BB之後，受到來自親友好大嘅壓力。

而青委主席孫榮聰就忙於下個月底嘅扶貧活動，佢話，青委好關注社會貧富懸殊問題，現正打算下月底喺九龍塘又一城嘅戲院包場，請貧困家庭嘅小童免費睇電影。眾人呢一晚盡情跳舞、又有大抽獎，席間亦趁機義賣福袋，籌集行善資本。