新一屆立法會中有唔少雙料議員，早前我哋話過一啲資深立法會議員喺區議會方面嘅工作真係麻麻哋，建仔新丁陳恒鑌（Ben）扎根荃灣區多年，亦係該區區議員，今年入埋立法會，新丁兼任雙料議員，會唔會好辛苦呢？阿Ben話，佢每朝早七點鐘左右就自動醒咗。
阿Ben除咗專注立法會工作外，仲要兼顧地區工作，所以佢通常朝早抽時間派吓單張同工作報告等，晚上開完立法會後，亦會趕返所屬選區，見吓街坊、處理吓求助個案，工作冇時停，睇嚟雙料議員果然唔易做，自己搏殺外，仲好需要家人支持同體諒至得。
