SUN微博：末日之前：大家，醒吓喇！

人喺面對恐慌嘅時候，往往會失去理智，呢個亦係人客易被呃嘅時候。正如聽日就係世界末日，我哋成日都聽到或者見到荒誕之事。好似有人研發「挪亞方舟」，亦有人販賣「末日船票」，呢啲所謂可以喺末日救你一命嘅嘢，當然一啲都唔平。最離譜嘅係，「末日教派」乘時而興，叫人唔理家庭、朋友，都要將身心同財產奉獻畀教主。如果喺平日，大家根本對呢啲嘢不屑一顧，因為末日嚟到，大家都知道點都走唔甩，但當「末日」真係愈來愈近，人嘅恐懼心就會蓋過理智，結果咩蠢事都做得出……其實人喺惶恐嘅時候，都會想搵個心靈歸宿，但往往會忽略身邊嘅人、事，細心啲諗，家人、朋友咪係聽你傾訴嘅好對象，大家又何需再外求呢？