政壇：政商定格：業績好吳智珊放心遊埠

天文台話今年香港有個好凍嘅平安夜，雖然當日仲要返工，但宏利公積金信託首席行政總監Luzia吳智珊身上已散發出強烈嘅holiday mood，佢話會喺今個禮拜五（瑪雅人聲稱嘅「世界末日」當日）嘅下晝同班員工開party預祝聖誕節，之後就飛去新西蘭，同仔女度過一個好warm嘅Christmas。

今次係佢首次去新西蘭，有得去旅行，加上宏利嘅強積金生意又咁好，心情唔怪得之咁靚，事關佢鍾情紅酒，新西蘭咁多酒莊，正合佢心意！除咗享受美酒佳餚，佢仲會率先見證一三年嘅第一道曙光，之後先返香港繼續拚搏。