醫知健：「個仔係咁講粗口，以為鬼上身」

【本報訊】「我個仔當時係咁講粗口，身體不停抽動，佢話控制唔到自己，搞到我丈夫、家姑以為佢撞邪鬼上身。好彩我上網搵資料又帶佢睇精神科，先知佢患妥瑞症。」

文仔（化名）母親指，兒子於小四時病發，初期只有乾咳、搖頭、擺動手臂等，情況不算嚴重，醫生指他氣管敏感並處方藥物。但他升中二後或因壓力增加，病情明顯惡化，今年三月起咳嗽、搖頭、抽動頻率明顯增加，頭更搖至暈眩、弄跌眼鏡、上課不能集中精神；至七月更突然在巴士、街上突然大聲叫，被旁人責罵：「嚇死人咩？」八月起更突然大聲說一連串粗言穢語，文仔向母親哭訴自己也控制不了自己，更因此不敢外出、停止課外活動，開學後亦停學兩周。

精神科專科醫生丁錫全表示，文仔患上妥瑞症，並非氣管問題，懷疑氣管敏感藥內含的化學成分加速妥瑞症抽動病情惡化，遂處方藥物及行為治療。文仔病情在兩、三日內大幅改善，由兩、三分鐘發作一次變為半小時。文仔坦言現時自信心大了：「唔使驚出街畀人笑、畀人望。」