政壇：政商定格：「莎厘娜」結業港大友難捨

多年來被視為香港大學學生同教職員飯堂嘅般含道「莎厘娜餐廳」，開業近半世紀，因舖位業權易手而要喺明年初同街坊講拜拜。飲過「莎厘娜」招牌羅宋湯嘅港大名人校友，都對餐廳結業感到可惜。

港大校友、中華廠商聯合會行政總裁梁世華揮筆疾書一首打油詩，贈予人稱「王叔」嘅餐廳老闆王殿華，又話時至今日俄國餐廳屈指可數，如果王叔未能另覓舖位復業，莎厘娜嘅羅宋湯就恐成絕響。

至於港大醫科畢業嘅食物及衞生局局長高永文憶述，七十年代初次幫襯莎厘娜，餐廳嘅紅菜頭，薯仔沙律同羅宋湯都令佢印象深刻。