政壇：欲簽袁彌明魔童食檸檬

珠海學院尋日舉行論壇，討論電視業改革由於反對發牌嘅兩大免費電視台缺席，幾位撐發牌嘅嘉賓就集體唱獨腳戲，而與會嘅城市電訊主席「魔童」王維基亦唔放過表現自己嘅機會，除咗揚言無懼政府無了期拖延發牌外，更自詡向某大電視台挖角五十個人冇一個擰頭。

不過，喺台下撐場、曾經係藝人嘅人民力量Erica袁彌明向我哋透露，魔童試過向佢招手，可惜襄王有心、神女無夢，佢想全心投入佢嘅政治理想同護膚品生意，所以只肯幫魔童嘅電視台客串一兩集，簽長約就免喇！佢嘅黨友兼立法會議員「慢必」陳志全亦自爆幫過亞視主持外購節目，更有十八點收視。