縱橫商界、政界嘅馬時亨（肥亨）人緣好好，尋日佢出席管理專業協會舉辦嘅「逆勢飛揚」講座，自爆十幾年前同一班股東齊齊出售元氣壽司股權時，投資回報高達六十倍，可以話係佢最成功嘅一次投資，自己賺到錢，佢哋亦畀咗一筆錢包括大廚在內嘅主要僱員，部分僱員分得嘅錢達七位數字，即數以百萬元計。
肥亨喺講座分享嘅主題係「世界已變，你有變嗎？」佢話世界出現咗七大變化，包括科技、經濟版圖及製造業嘅世界分工等。佢又話做老闆唔可以成日黑口黑面，要氹員工先至可以提高士氣。