政壇：李華明「世界末日」避走LA

白鴿黨嘅李華明（肥仔明）離開立法會呢個政治舞台，就走咗去開公關公司搵真銀。肥仔明透露，公司開張大吉至今只有個半月，已經接咗幾單生意，總算搵到兩餐。嚟緊聖誕節，佢會喺「世界末日」當日同老婆去美國洛杉磯探望定居當地嘅細佬，而喺日本工作嘅囡囡都會飛過去，一家人可以一齊過聖誕。

肥仔明囡囡一向醉心日本文化，大學畢業後去咗日本參加為期一年嘅「工作假期計劃」，喺京都一間五星級酒店打過工，仲由bell girl做起。但囡囡就覺得日本大部分企業高層職位仲係由男性把持，寧願返香港發展。如果愛女返番嚟香港，最開心嘅莫過於肥仔明喇！