SUN世代：太太女兒係靈感泉源

踏入馬志雄的公司，出門迎接的是他太太，馬志雄以「神奇女俠」來形容她。「我十八歲識佢（太太）到依家，佢依家係我拍檔，多年來，佢無條件付出，為我堅守陣地，返到屋企仲會照顧家庭……」感激之情躍然臉上。

幫助他的豈止其太太：「細女令我設計多一個公仔！」他帶記者走到一個專區，區內全是可愛人形貓咪公仔。每款毛色不同，服飾獨特，共通點就是牠們都是陽光甜美系。他說，創作意念來自一次與小女兒玩耍。「嗰次我畫到好忟，細女拎住個朱古力盒搵我玩。第二日我睇番個盒，靈機一觸覺得食朱古力會令人開心，就畫咗呢隻識整朱古力嘅貓咪！」這隻貓咪大受女孩歡迎，他不禁讚嘆一句：「我身邊嘅女人都好幫我！」說罷，他笑意盈盈。