SUN微博：末日之前：散發正能量

12月21日就到，末日論就更加熾熱。有人好悲觀，認為未來既然都唔會喺度，索性就咩都唔做，採取消極嘅態度去面對生活。

小編就忍唔住喺度諗，與其消極咁面對剩低嘅日子，何不積極過埋餘下嘅人生。自從世界興起資本主義，大部分人都以利益掛帥，以前守望相助嘅精神，喺依家好難再見得到。如果末日真係要來臨，金錢、物質都不過係泡影，根本就無任何用處。

既然係咁，點解大家唔試吓幫人？小編相信人性本善，見到人哋會心微笑，就算你認為只係微不足道嘅小事，但當愈嚟愈多人都願意去幫人嘅時候，嗰股正能量相信可以感染其他人，受助嘅人講一聲多謝，或者一個會心微笑，都可以令世界更美好。