政壇：政商定格：戴凱欣萬元零食贈親朋

「四洲太子女」戴凱欣前晚同好友舉辦聖誕派對，更豪花五位數字買零食作禮物，大送親朋好友。咁有冇追求者？佢坦言：「有，但我一定唔會重色輕友。呢年過得好開心，好享受同朋友、家人一齊嘅感覺，追求者都係做住朋友先啦！」感情方面抱隨緣態度嘅佢，話只望搵個對感情認真，而且對佢好嘅男友。

問到對方係咪要好似佢咁喜歡美食？佢話：「唔一定每次都食米芝蓮餐廳，其實我都好鍾意食茶餐廳。」事業方面，佢透露希望開烹飪學校。